અભયમ્ ૧૮૧ મહિલા હેલ્પલાઈન

યોજનાનો ઉદ્દેશ / હેતુઃ

જરૂરિયાતમંદ કિશોરી, યુવતી કે મહિલાને જરૂરી માહિતી, માર્ગદર્શન

અને સહાય પૂરી પાડવી

આવક મર્યાદા

કોઈ આવક મર્યાદા લાગુ પડતી નથી.

લાભાર્થીનો પ્રકાર

કિશોરી, યુવતી, મહિલા

પાત્રતાના ધોરણોઃ

કોઈ પણ ઉંમરની કન્યા, યુવતી કે મહિલા આ સેવાનો ઉપયોગ કરી શકે છે.

મહિલાને મદદરૂપ બનનાર કોઇપણ પુરુષ આ સેવાનો ઉપયોગ કરી શકે છે,

અન્ય રાજ્યની મહિલા ગુજરાતમાં આવતા આ સેવાનો લાભ મેળવી શકે છે.

યોજના હેઠળ મળતી સહાયઃ

ફોન પર માર્ગદર્શન, સલાહ-સૂચન હિંસાના સંજોગોમાં તાત્કાલિક બચાવ, ટૂંકા ગાળાનું અને લાંબા ગાળાનું કાઉન્સેલિંગ ( સલાહ) મહિલાલક્ષી માળખાઓ અને યોજનાઓની માહિતી

મંજૂરીની પ્રક્રિયાઃ

આ સેવા ટોલ ફ્રી હોવાથી કોઈ પણ યુવતી કે મહિલાને આ યોજનાનો લાભ મળવા પાત્ર છે.

અમલીકરણ કરતી કચેરી / સંપર્ક અધિકારીઃ

નિયામકશ્રી, મહિલા કલ્યાણ , કમિશનર, મહિલા અને બાળ વિકાસની કચેરી, બ્લોક નં.૨૦, ડો. જીવરાજ મહેતા ભવન, ગાંધીનગર.

કોઇપણ જિલ્લા કે તાલુકામાંથી આ યોજનાનો લાભ લેવા અભયમ્ મહિલા હેલ્પલાઈનના નિશુલ્ક (ટોલ ફ્રી) નં. ૧૮૧ ઉપર સંપર્ક કરી તમામ માહિતી અને સેવા મેળવી શકાય છે.

અરજી સમયે રજૂ કરવાના થતા પુરાવા / પ્રમાણપત્ર

આ સેવાનો લાભ લેવા માટે કોઈ પુરાવા રજૂ કરવાની જરૂર નથી

આ યોજના સમગ્ર રાજ્યમાં અમલી છે, મહિલાઓને મુશ્કેલ પરિસ્થિતિમાંથી બચાવવા કુલ ૪૭ રેસ્કયુ વાન કાર્યરત છે.